بلد الشنكل
من المفترض ان تكون الاجازه هى وقت الراحة الجسديه والذهنيه عند اى شخص يعمل ومع وضع الظروف الصعبه عندى والتى يأتى المناخ على قمتها فى درجات حراره لا تتجاوز 45 درجه كما تقول الاخبار الا اننى اقسم بالله ان الحراره تتجاوز الخمسين "هوا انا اسمريت من شويه" بس نشكى لمن
وبما ان الدول المتحضرة تمنع العمل فى مثل هذةه الحراره الا اننا مختلفين عنهم فدرجه الحراره لا تتجاوز الحدود ابدا
اما اجازتى فكأيام عملى تبدء من 2:9ضهرا مصالح حكوميه فأنا كالموظف فى اجازتى
وفى احد ايام الاجازه طلبت منى والدتى ان اذهب مع احد اقاربى لتخليص اوراقه للسفر لانه كما تعلمون لا شئ يسير فى بلدنا بدون واسطه فوافقت لان اليوم الذى تتحدث عنه كان شاغرا
كلمت احمد وتحدثت معه وعرفت مراده وحمدت الله لان عملى سيكون نصف يوم فهى مهمه سهله جداجدا صباح اليوم التالى توجهنا انا واحمد قبل مواعيدالعمل حتى لا يغيبونى ولكن ما شد نظرى ان عبوث وجه الموظفين هو شئ معتداد دائما لا يرتبط بوقت فهو مستمر بأستمرار العمل
قابلت احد الموظفين وسألته عن استاذ فلان فأشار اليه وتوجهت اليه
-سلاموا عليكوا
-اصتبحنا وصبح الملك لله امر ياسيدى عالصبح كدة ده احنا لسه بنفطر
-معلش عشان عندى مشاوير تانيه
-عايز ايه؟
-عايزين نجدد الباسبور
-بطاقتك
-اتفضل
-لا يابشمهندس ماينفعش
-ليه
- عايزين بطاقه رقم قومى
-طب دة هتاخد وقت
-دة الى عندى طلعها وانا تحت امرك
-متشكرين
توجهنا انا واحمد الى السجل المدنى وبعد اربع ساعات بالكوسه خرج علينا الموظف قائلا
-يا باشا فيه مشكلة
-ايه
-الاستاذ احمد مش مصرى
-نعم
- الكمبيوتر بيقول كده
نظرت الي احمد وقلت فى سرى انتا هتودينى فى داهيه
فقال احمد مستغربا يعنى ايه مش مصرى؟
- اه واللهى الكمبيوتر الى بيقول كده
- كمبيوتر طب وبطاقه ابويا وامى واخواتى والسنتين الى قضيتهم فى الجيش والباسبور ده كل دة ومش مصرى ده انا ممكن اسمعلك النشيد بلادى بلادى
- كفايه يا استاذ انا اسف طالما الكمبيوتر قال انك مش مصرى تبقى مش مصرى يعنى هصدقك واكدب الكمبيوتر
-لا وده يصح طب والحل؟
- عليك وعلى الهجره والجنسيه فى مجمع التحرير
- ماشى شكرا
وبما اننا سنتوجه لمجمع التحرير فسأكلم والدى انها منطقه عمله وبالتأكيد يعرف احد هناك وسننجز المهمه بسرعه جداجدا
توجهت الى الموظف
-سلامو عليكوا
- وعليكم السلام
-انا فلان الفلانى ابن فلان
- اخبارك ياباشا واخبار الباشا الكبير
- تمام الحمد لله
- ايه ياباشا فى مشكله
- ايوة الراجل ده قريبى وكنا عايزين نجدد الباسبور فطلبوا الرقم القومى رحنا عشان نطلعه قالوا انه اصلا مش مصرى
- ياباشا بس كده ده اتا لو عايزوا امريكانى نخليهولك امريكانى
- لا شكرا انا عايزه مصرى بس
- طيب بص ياباشا هتجيب الورق ده بطاقته القديمه وبطاقه امه وابوه وجده وعنده اخوات
- اه
واخواته كمان وقيد عائلى وشهادات ميلادهم كلهم وشهادات تخرجهم
- بس كده
- شفت ياباشا انا مريحك ازاى
- متشكر جدا
- بقولك ياباشا عايزك ثانيه على جنب
- فى حاجه
- هوا الراجل ده قريبك
- اه قريبى
-قريبك فريبك
- اه قريبى قريبى
- طب يا باشا انتا كمان لازم كمان تجيب الورق ده عشان نشوف انتا مصرى ولا لا
- انتا مجنون ياعم انتا عايز تودينى فى داهيه كلامك ده يفصلنى انا وابويا
- ياباشا انا بدلك ع الصح
- لا ياعم متشكرين
فى لحظه شككنى الموظف فى نفسى ودار الموضوع فى ذهنى ولكن وقفته عندما اخرجت بطاقتى ونظرت فيها وتنفست الصعداء انا مصرى انا مصرى
اخزنا فى تجميع هذه الاوراق اسبوع كامل اوراق فى مصر واوراق فى اسوان وتم بحمد الله وتوجهنا للموظف نفسه
- سلاموا عليكوا
- ايوه
- يا استاذ مش فاكرنى
- لا مش فاكرك
- ياعم انا فلان ابن فلان الى كنت عندك من اسبوع
- اهلا الباشا ابن الباشا ها عملت ايه
اخرجت له ملف ضخم به جميع الاوراق المطلوبه
- تمام كده ياباشا مش بقولك ده حاجه سهله بص هتروح للموظف الى هناك ده وتقوله انك من طرفى وهوا هيخلص علطول
- متشكر جدا تعبتك معايا
- ياباشا انتا تأمر
توجهنا للموظف الاخر وعرفته بنفسى وبمشكلتى واعطيته الملف بالاوراق المطلوبه فنظر للملف قائلا
-وده ايه الملف ده
-الاوراق الى عيزنها
- ومين الى قالك احنا عايزين الورق ده
-الاستاذ فلان
- ده مش تخصصه اصلا هوا ليه بيفتى فى حاجه مش بتاعته
-يالهوى ده احنا قعدنا اسبوع نطلعه
-غلطتك
-طب نعمل ايه اثبت ازاى انى مصرى انا ابويا مصرى وامى مصريه واخواتى مصريين ودخلت الجيش وكمان حافظ النشيد تحب اسمعهولك بلادى بلادى
- كل ده ولا له اى لزمه
-والجيش الى قضيت فيه سنتين
- حد قالك روح وانتا مش مصرى!!!!!!!
- طب الحل ايه
- شوف لسهوله الموضوع عملوله حلين انتا الى تعبت نفسك من الاول
- حلو جدا كده اتسهلت
- بص ياسيدى الحل الاول انك تجيب مالايقل عن 12 مستند قبل سنه 1920 مثبت فيها املاك لوالد جده
- والد جده! هوا الى انتا بتقوله ده مقنع انتا ياعم بتكلم فى زمن محترعوش فيه القلم تقولى مستندات
- عارف انه صعب عشان كده سبت السهل للأخر
- قول يا سيدى
- تجيب بطاقت ابو جده اظن سهله ده
- انتا عارف ابو جده ده مولود امتا ده مولود فى القرن التسعتاشر ايه الى بتقوله ده هوا ساعتها كان فى سسجل مدنى اصلا انتا ياعم بتكلم على ايام المماليك يعنى على بك الكبير ومحمد بك على
- طب بص يا باشا ده حل من الأخر خالص مبطلعهوش الا للحبايب
- قول يا سيدى
- عليك وعلى دار المحفوظات فى القلعه هما هيجيبوا ان ابو جده كان مصرى
- ده اكيد
- طبعا يا باشا عيب
- لما نشوف سلامو عليكو
توجهنا لدار المحفوظات وكأى مصلحه فى مصر مكتظه بالناس وكعادتى فى بادئ الامر اقف بالطابور اولا حتى وصلت للشباك وعندها صدمت عندما علمت ان ورقى سينتهى بعد اسبوعين
فأستخدمت طريقتى الاخرى الذهاب للمدير وبعد تحايولات وطلبات ونفاق وتبجيل وتمجيد خرجت الورقه التى كانت ستخرج فى اسبوعين خرجت فى نصف ساعه ولكن صدمت عندما كتب عليها "لم يستدل عليه"!!!!
فى اليوم التالى توجهت الى الموظف الملعون الذى دمر اجازتى نهائيا استجديه ان ينهى لنا الاجراءات
- يا باشا ممكن نعمل حاجه تانيه بس طويله شويه
- الحقنى بيها
- ندخل ورقه لجنه واللجنه تبحثه وتصدر قرار بس ده هياخدله كتيييييييييير ممكن عقبال لما اللجنه تتكون تعمل لجنه تانيه يعنى ممكن تاخدلك سنتين فى الموضوع ده
- يا اما ياخد حكم من المحكمه بكده ويعرض عليها الورق
- انا هخليه كمان يسمع النشيد الوطنى
- هاهاها بس الموضوع ده بدرجات المحاكم ممكن ياخدله حوالى سنه!!!
- لا احنا خلينا فى اقصر الطرق نستنا سنه احسن من سنتين
- وانا بقول كده يا باشا
رجعنا نجر زيول الخيبه خلفنا تحطمت احلام الشاب فى السفر على باب الروتين
وشاهدت ليلتها فيلم ارض النفاق فى مشهد ذكرنى بحالنا عندما دخل حسن مصطفى على فؤاد المهندس
فقال فؤاد المهندس:اهلا اهلا عويجه افندى ايه الملف الى معاك ده كله مش الحكومه حددت النسل
فقال عويجه افندى: ده يافندم اموال كانت هتضيع على الشركه اموال صرفت بدون وجه حق
- عفارم عليك يا عويجه افندى عفارم ايه الحكايه بئا
- من 18 سنه يا فندم صرفت الشركه للمقاول الى بناها مبلغ 88 الف و999 جنيه و44 مليم
- عظيم
- وبعدين اكتشفت انا ان فى شباك الاوضه عندى شنكل ناقص ارسلت خطاب مستعجل مسجل بعلم الوصول للمقاول الى بنى الشركه فرد عليا انه سلم المشروع للجنه حسب المواصفات وبالتالى فهو غير مسئول عن الشنكل
- عنده حق
- طلبت من اللجنه الى استلمت المبانى مراجعه كشوف الاستلام
- وعملت ايه اللجنه؟
- عملت لجنه
- اللجنه عملت لجنه!!!!!!!!!!!!!!!!!!!!!
- ايوة يا فندم لجنه فرعيه
- عشان ايه
- عشان تبحث اذا كان فى خروم فى الحيطه يبقا الشنكل كان موجود وفقد وان لم يكن هناك خروم يبئا المقاول مركبش الشنكل
- ولقوا الخروم
- الحقيقه يافندم اللجنه اختلفت حول الخروم الى فى الحيطه النصف قال انها خروم الشنكل والنصف التانى قال انها بيوت حرامى الحله"نوع من النمل لونه اسود"
- حرامى الحلة!!!!!! المهم اللجنه الفرعيه عملت ايه
- عملت لجنه
- لجنه تانى!!!!!!!!!!
- ايوة يافندم لجنه داخليه اتضح لها ان الخروم ده تكونت بفعل قطه
- قطه!!!!!!!
- ايوة يا فندم قطه وبذلك قام الدليل على ان المقاول لم يركب الشنكل وبذلك يكون قد قبض ثمن الشنكل 44مليم بدون وجه حق
- 44 مليم ده اجرام!!!!
- مسبتوش ارسلت له صوره تقاريراللجنه الرئيسيه وصوره من تقارير اللجنه الفرعيه وصوره من تقاريراللجنه الداخليه وخطاب تانى مستعجل بعلم الوصول بأنه يا اما يركب الشنكل يا اما يدفع مبلغ 44 مليم
- وبعدين دفع
- لا
- اخس وبعدين
- مسبتوش ارسلت له خطاب مستعجل مسجل بعلم الوصول يا الدفع يا يركب الشنكل مردش مسبتوش بعتله انظار على يد محضر قال مش دافع مسبتوش كتبت مذكره لقلم قضايا الشركه لرفع قضيه تأجلت 14 مره وصدر الحكم فيها بعد 11 سنه
- عال وبعدين
- المقاول وضع تحت الحراسه مسبتوش طالبت الحارس رفض الدفع
- مسبتوش
- لا سبته ورجعت طالبت المقاول الى رفض الدفع لانه تحت الحراسه
- وعملت ايه
- طالبت رئيس الللجنه الى استلمت المبنى اتضح انة انتدب للعمل بالكويت مسبتوش ارسلت خطاب مستعجل مسجل بعلم الوصول لتسديد المبلغ المطلوب
- مبلغ 44 مليم
- تمام كده يافندم عفارم
- بعتناله لئناه تعيش انتا يافندم انتقل للدار الاخره
- مسبتوش
- لا يافندم سبناه وطالبنا الورثه
- طالبتوا الورثه كمان
- طبعا يا فندم احنا بنلعب
- ويعدين
- ردوا الورثه ان المرحوم كان مبزر ومتلاف ومسبش الا الديون
- طالبت الديانه
- الحقيقه يا فندم
- حقيقه ايه انتوا سبتوا حد مطلبتهوش ده ناقص الجيران تطالبوهم
- ما انا يا فندم كنت داخل عشان اخد رأيك فى مطالبه الجيران
- مكنش ممكن توفر كل ده وتركب انتا الشنكل
- لا يافندم تركيب الشنكل ده عمل معمارى يحتاج لمقايسه ومناقصه ولجان للمظاريف .........الخ
- طيب مكنش ممكن تدفع انتا وتوفر الوقت ده ع الشركه
- واسيب المغتصب ينعم ب44مليم بدون وجه حق
تأثرت كثيرا هذا حالنا من نصف قرن بل بالتأكيد قبل ذلك حتى يومنا هذا حالنا بل انى لا استبشر خير لانه مازال يحدث وسيحدث لأننا بلد الشنكل
من المفترض ان تكون الاجازه هى وقت الراحة الجسديه والذهنيه عند اى شخص يعمل ومع وضع الظروف الصعبه عندى والتى يأتى المناخ على قمتها فى درجات حراره لا تتجاوز 45 درجه كما تقول الاخبار الا اننى اقسم بالله ان الحراره تتجاوز الخمسين "هوا انا اسمريت من شويه" بس نشكى لمن
وبما ان الدول المتحضرة تمنع العمل فى مثل هذةه الحراره الا اننا مختلفين عنهم فدرجه الحراره لا تتجاوز الحدود ابدا
اما اجازتى فكأيام عملى تبدء من 2:9ضهرا مصالح حكوميه فأنا كالموظف فى اجازتى
وفى احد ايام الاجازه طلبت منى والدتى ان اذهب مع احد اقاربى لتخليص اوراقه للسفر لانه كما تعلمون لا شئ يسير فى بلدنا بدون واسطه فوافقت لان اليوم الذى تتحدث عنه كان شاغرا
كلمت احمد وتحدثت معه وعرفت مراده وحمدت الله لان عملى سيكون نصف يوم فهى مهمه سهله جداجدا صباح اليوم التالى توجهنا انا واحمد قبل مواعيدالعمل حتى لا يغيبونى ولكن ما شد نظرى ان عبوث وجه الموظفين هو شئ معتداد دائما لا يرتبط بوقت فهو مستمر بأستمرار العمل
قابلت احد الموظفين وسألته عن استاذ فلان فأشار اليه وتوجهت اليه
-سلاموا عليكوا
-اصتبحنا وصبح الملك لله امر ياسيدى عالصبح كدة ده احنا لسه بنفطر
-معلش عشان عندى مشاوير تانيه
-عايز ايه؟
-عايزين نجدد الباسبور
-بطاقتك
-اتفضل
-لا يابشمهندس ماينفعش
-ليه
- عايزين بطاقه رقم قومى
-طب دة هتاخد وقت
-دة الى عندى طلعها وانا تحت امرك
-متشكرين
توجهنا انا واحمد الى السجل المدنى وبعد اربع ساعات بالكوسه خرج علينا الموظف قائلا
-يا باشا فيه مشكلة
-ايه
-الاستاذ احمد مش مصرى
-نعم
- الكمبيوتر بيقول كده
نظرت الي احمد وقلت فى سرى انتا هتودينى فى داهيه
فقال احمد مستغربا يعنى ايه مش مصرى؟
- اه واللهى الكمبيوتر الى بيقول كده
- كمبيوتر طب وبطاقه ابويا وامى واخواتى والسنتين الى قضيتهم فى الجيش والباسبور ده كل دة ومش مصرى ده انا ممكن اسمعلك النشيد بلادى بلادى
- كفايه يا استاذ انا اسف طالما الكمبيوتر قال انك مش مصرى تبقى مش مصرى يعنى هصدقك واكدب الكمبيوتر
-لا وده يصح طب والحل؟
- عليك وعلى الهجره والجنسيه فى مجمع التحرير
- ماشى شكرا
وبما اننا سنتوجه لمجمع التحرير فسأكلم والدى انها منطقه عمله وبالتأكيد يعرف احد هناك وسننجز المهمه بسرعه جداجدا
توجهت الى الموظف
-سلامو عليكوا
- وعليكم السلام
-انا فلان الفلانى ابن فلان
- اخبارك ياباشا واخبار الباشا الكبير
- تمام الحمد لله
- ايه ياباشا فى مشكله
- ايوة الراجل ده قريبى وكنا عايزين نجدد الباسبور فطلبوا الرقم القومى رحنا عشان نطلعه قالوا انه اصلا مش مصرى
- ياباشا بس كده ده اتا لو عايزوا امريكانى نخليهولك امريكانى
- لا شكرا انا عايزه مصرى بس
- طيب بص ياباشا هتجيب الورق ده بطاقته القديمه وبطاقه امه وابوه وجده وعنده اخوات
- اه
واخواته كمان وقيد عائلى وشهادات ميلادهم كلهم وشهادات تخرجهم
- بس كده
- شفت ياباشا انا مريحك ازاى
- متشكر جدا
- بقولك ياباشا عايزك ثانيه على جنب
- فى حاجه
- هوا الراجل ده قريبك
- اه قريبى
-قريبك فريبك
- اه قريبى قريبى
- طب يا باشا انتا كمان لازم كمان تجيب الورق ده عشان نشوف انتا مصرى ولا لا
- انتا مجنون ياعم انتا عايز تودينى فى داهيه كلامك ده يفصلنى انا وابويا
- ياباشا انا بدلك ع الصح
- لا ياعم متشكرين
فى لحظه شككنى الموظف فى نفسى ودار الموضوع فى ذهنى ولكن وقفته عندما اخرجت بطاقتى ونظرت فيها وتنفست الصعداء انا مصرى انا مصرى
اخزنا فى تجميع هذه الاوراق اسبوع كامل اوراق فى مصر واوراق فى اسوان وتم بحمد الله وتوجهنا للموظف نفسه
- سلاموا عليكوا
- ايوه
- يا استاذ مش فاكرنى
- لا مش فاكرك
- ياعم انا فلان ابن فلان الى كنت عندك من اسبوع
- اهلا الباشا ابن الباشا ها عملت ايه
اخرجت له ملف ضخم به جميع الاوراق المطلوبه
- تمام كده ياباشا مش بقولك ده حاجه سهله بص هتروح للموظف الى هناك ده وتقوله انك من طرفى وهوا هيخلص علطول
- متشكر جدا تعبتك معايا
- ياباشا انتا تأمر
توجهنا للموظف الاخر وعرفته بنفسى وبمشكلتى واعطيته الملف بالاوراق المطلوبه فنظر للملف قائلا
-وده ايه الملف ده
-الاوراق الى عيزنها
- ومين الى قالك احنا عايزين الورق ده
-الاستاذ فلان
- ده مش تخصصه اصلا هوا ليه بيفتى فى حاجه مش بتاعته
-يالهوى ده احنا قعدنا اسبوع نطلعه
-غلطتك
-طب نعمل ايه اثبت ازاى انى مصرى انا ابويا مصرى وامى مصريه واخواتى مصريين ودخلت الجيش وكمان حافظ النشيد تحب اسمعهولك بلادى بلادى
- كل ده ولا له اى لزمه
-والجيش الى قضيت فيه سنتين
- حد قالك روح وانتا مش مصرى!!!!!!!
- طب الحل ايه
- شوف لسهوله الموضوع عملوله حلين انتا الى تعبت نفسك من الاول
- حلو جدا كده اتسهلت
- بص ياسيدى الحل الاول انك تجيب مالايقل عن 12 مستند قبل سنه 1920 مثبت فيها املاك لوالد جده
- والد جده! هوا الى انتا بتقوله ده مقنع انتا ياعم بتكلم فى زمن محترعوش فيه القلم تقولى مستندات
- عارف انه صعب عشان كده سبت السهل للأخر
- قول يا سيدى
- تجيب بطاقت ابو جده اظن سهله ده
- انتا عارف ابو جده ده مولود امتا ده مولود فى القرن التسعتاشر ايه الى بتقوله ده هوا ساعتها كان فى سسجل مدنى اصلا انتا ياعم بتكلم على ايام المماليك يعنى على بك الكبير ومحمد بك على
- طب بص يا باشا ده حل من الأخر خالص مبطلعهوش الا للحبايب
- قول يا سيدى
- عليك وعلى دار المحفوظات فى القلعه هما هيجيبوا ان ابو جده كان مصرى
- ده اكيد
- طبعا يا باشا عيب
- لما نشوف سلامو عليكو
توجهنا لدار المحفوظات وكأى مصلحه فى مصر مكتظه بالناس وكعادتى فى بادئ الامر اقف بالطابور اولا حتى وصلت للشباك وعندها صدمت عندما علمت ان ورقى سينتهى بعد اسبوعين
فأستخدمت طريقتى الاخرى الذهاب للمدير وبعد تحايولات وطلبات ونفاق وتبجيل وتمجيد خرجت الورقه التى كانت ستخرج فى اسبوعين خرجت فى نصف ساعه ولكن صدمت عندما كتب عليها "لم يستدل عليه"!!!!
فى اليوم التالى توجهت الى الموظف الملعون الذى دمر اجازتى نهائيا استجديه ان ينهى لنا الاجراءات
- يا باشا ممكن نعمل حاجه تانيه بس طويله شويه
- الحقنى بيها
- ندخل ورقه لجنه واللجنه تبحثه وتصدر قرار بس ده هياخدله كتيييييييييير ممكن عقبال لما اللجنه تتكون تعمل لجنه تانيه يعنى ممكن تاخدلك سنتين فى الموضوع ده
- يا اما ياخد حكم من المحكمه بكده ويعرض عليها الورق
- انا هخليه كمان يسمع النشيد الوطنى
- هاهاها بس الموضوع ده بدرجات المحاكم ممكن ياخدله حوالى سنه!!!
- لا احنا خلينا فى اقصر الطرق نستنا سنه احسن من سنتين
- وانا بقول كده يا باشا
رجعنا نجر زيول الخيبه خلفنا تحطمت احلام الشاب فى السفر على باب الروتين
وشاهدت ليلتها فيلم ارض النفاق فى مشهد ذكرنى بحالنا عندما دخل حسن مصطفى على فؤاد المهندس
فقال فؤاد المهندس:اهلا اهلا عويجه افندى ايه الملف الى معاك ده كله مش الحكومه حددت النسل
فقال عويجه افندى: ده يافندم اموال كانت هتضيع على الشركه اموال صرفت بدون وجه حق
- عفارم عليك يا عويجه افندى عفارم ايه الحكايه بئا
- من 18 سنه يا فندم صرفت الشركه للمقاول الى بناها مبلغ 88 الف و999 جنيه و44 مليم
- عظيم
- وبعدين اكتشفت انا ان فى شباك الاوضه عندى شنكل ناقص ارسلت خطاب مستعجل مسجل بعلم الوصول للمقاول الى بنى الشركه فرد عليا انه سلم المشروع للجنه حسب المواصفات وبالتالى فهو غير مسئول عن الشنكل
- عنده حق
- طلبت من اللجنه الى استلمت المبانى مراجعه كشوف الاستلام
- وعملت ايه اللجنه؟
- عملت لجنه
- اللجنه عملت لجنه!!!!!!!!!!!!!!!!!!!!!
- ايوة يا فندم لجنه فرعيه
- عشان ايه
- عشان تبحث اذا كان فى خروم فى الحيطه يبقا الشنكل كان موجود وفقد وان لم يكن هناك خروم يبئا المقاول مركبش الشنكل
- ولقوا الخروم
- الحقيقه يافندم اللجنه اختلفت حول الخروم الى فى الحيطه النصف قال انها خروم الشنكل والنصف التانى قال انها بيوت حرامى الحله"نوع من النمل لونه اسود"
- حرامى الحلة!!!!!! المهم اللجنه الفرعيه عملت ايه
- عملت لجنه
- لجنه تانى!!!!!!!!!!
- ايوة يافندم لجنه داخليه اتضح لها ان الخروم ده تكونت بفعل قطه
- قطه!!!!!!!
- ايوة يا فندم قطه وبذلك قام الدليل على ان المقاول لم يركب الشنكل وبذلك يكون قد قبض ثمن الشنكل 44مليم بدون وجه حق
- 44 مليم ده اجرام!!!!
- مسبتوش ارسلت له صوره تقاريراللجنه الرئيسيه وصوره من تقارير اللجنه الفرعيه وصوره من تقاريراللجنه الداخليه وخطاب تانى مستعجل بعلم الوصول بأنه يا اما يركب الشنكل يا اما يدفع مبلغ 44 مليم
- وبعدين دفع
- لا
- اخس وبعدين
- مسبتوش ارسلت له خطاب مستعجل مسجل بعلم الوصول يا الدفع يا يركب الشنكل مردش مسبتوش بعتله انظار على يد محضر قال مش دافع مسبتوش كتبت مذكره لقلم قضايا الشركه لرفع قضيه تأجلت 14 مره وصدر الحكم فيها بعد 11 سنه
- عال وبعدين
- المقاول وضع تحت الحراسه مسبتوش طالبت الحارس رفض الدفع
- مسبتوش
- لا سبته ورجعت طالبت المقاول الى رفض الدفع لانه تحت الحراسه
- وعملت ايه
- طالبت رئيس الللجنه الى استلمت المبنى اتضح انة انتدب للعمل بالكويت مسبتوش ارسلت خطاب مستعجل مسجل بعلم الوصول لتسديد المبلغ المطلوب
- مبلغ 44 مليم
- تمام كده يافندم عفارم
- بعتناله لئناه تعيش انتا يافندم انتقل للدار الاخره
- مسبتوش
- لا يافندم سبناه وطالبنا الورثه
- طالبتوا الورثه كمان
- طبعا يا فندم احنا بنلعب
- ويعدين
- ردوا الورثه ان المرحوم كان مبزر ومتلاف ومسبش الا الديون
- طالبت الديانه
- الحقيقه يا فندم
- حقيقه ايه انتوا سبتوا حد مطلبتهوش ده ناقص الجيران تطالبوهم
- ما انا يا فندم كنت داخل عشان اخد رأيك فى مطالبه الجيران
- مكنش ممكن توفر كل ده وتركب انتا الشنكل
- لا يافندم تركيب الشنكل ده عمل معمارى يحتاج لمقايسه ومناقصه ولجان للمظاريف .........الخ
- طيب مكنش ممكن تدفع انتا وتوفر الوقت ده ع الشركه
- واسيب المغتصب ينعم ب44مليم بدون وجه حق
تأثرت كثيرا هذا حالنا من نصف قرن بل بالتأكيد قبل ذلك حتى يومنا هذا حالنا بل انى لا استبشر خير لانه مازال يحدث وسيحدث لأننا بلد الشنكل
ليست هناك تعليقات:
إرسال تعليق